អភិបាលរងខេត្តដាក់វិធានការដល់អាជ្ញាធរមូលដ្ឋានត្រូវទប់ស្កាត់ប្រជាពលរដ្ឋដោះស្រាយគោលនយោបាយពីផ្លូវជាតិទៅរំលោភចំណីផ្លូវដែក
22-March-2018 | ដោយ ពលមនសិការ
បន្ទាយមានជ័យ ៖ អភិបាលរងខេត្តដាក់វិធានការដល់អាជ្ញាធរមូលដ្ឋានត្រូវទប់ស្កាត់ប្រជាពលរដ្ឋដោះស្រាយគោលនយោបាយពីផ្លូវជាតិទៅរំលោភចំណីផ្លូវដែកលើកឡើងកិច្ចប្រជុំនៅថ្ងៃទី២២ ខែមីនា ឆ្នាំ២០១៨ នៅសាលប្រជុំសាលាខេត្តបន្ទាយមានជ័យ។
លោក លី សារី អភិបាលរងខេត្តបន្ទាយមានជ័យបានមានប្រសាសន៍ថាក្រោយពេលរាជរដ្ឋាភិបាលកម្ពុជាក្រោមការដឹកនាំពីសម្តេចអគ្គមហាសេនាបតីតេជោ ហ៊ុន សែន បានអភិវឌ្ឍន៍ផ្លូវជាតិលេខ៥ ដោយបានដោះស្រាយគោលនយោបាយផលប៉ះពាល់ជូនប្រជាពលរដ្ឋដែលរស់នៅតាមដងផ្លូវជាតិលេខ៥ ក្នុងខេត្តបន្ទាយមានជ័យក្នុងចំណោម៩ស្រុក/ក្រុង មាន៤ស្រុក/ក្រុងជាប់ផ្លូវជាតិលេខ៥ ដែលកំពុងកសាងមានទី១.ស្រុកមង្គលបូរី, ទី២.ក្រុងសិរីសោភ័ណ, ទី៣.ស្រុកអូរជ្រៅ និងទី៤.ក្រុងប៉ោយប៉ែត។
លោកបានបញ្ជាក់ថាផ្លូវជាតិលេខ៥ក្រោយពេលស្រាយគោលនយោបាយផលប៉ះពាល់ជូនប្រជាពលរដ្ឋហើយមានប្រជាពលរដ្ឋមួយចំនួនធំបានរុះរើតែនៅមួយចំនួនតូចមិនទាន់បានរុះរើចេញ តែប្រជាពលរដ្ឋមួយចំនួនតូចដោយស្រាយគោលនយោបាយហើយបានរុះរើផ្ទះចេញពីផ្លូវជាតិជាតិលេខ៥ រត់ទៅសាងសង់ផ្ទះសម្បែងរំលោភចំណីផ្លូវដែក។
លោក លី សារី បានមានប្រសាសន៍ដាក់វិធានការដល់អាជ្ញាស្រុក/ក្រុង និងឃុំ/សង្កាត់ជាប់ផ្លូវជាតិលេខ៥ ដែលកំពុងដំណើរការកសាងផ្លូវជាតិលេខ៥ ត្រូវឃ្លាំមើលប្រជាពលរដ្ឋដែលដោះស្រាយគោលនយោបាយពីផ្លូវជាតិបានលុយហើយទៅធ្វើផ្ទះសម្បែងរំលោភចំណីផ្លូវដែកដែលរាជរដ្ឋាភិបាលកម្ពុជាបានកសាងហើយនិងដំណើរការឆាប់ៗនេះតាមច្បាប់ផ្លូវជាតិលេខ៥ និងចំណីផ្លូវដែកម្ខាង៣០ម៉ែត្រ សងខា៦០ម៉ែត្រ៕
ចំនួនអ្នកទស្សនា
- ថ្ងៃនេះ6301
- ម្សិលមិញ10851
- សប្តាហ៍នេះ72821
- ខែនេះ187971
- ឆ្នាំនេះ187971
- សរុប20630427